ﻣﯿﺮﮮ ﭼﺎﺭﻭﮞ ﻃﺮﻑ
ﺍﻥ ﮔﻨﺖ ﺻﻔﺤﺎﺕ ﺑﮑﮭﺮﮮ ﮨﻮﺋﮯ ﮨﯿﮟ
ﺟﻦ ﻣﯿﮟ
ﺁﺩﮬﯽ ﺍﺩﮬﻮﺭﯼ ﻧﻈﻤﯿﮟ ،
ﭼﻨﺪ ﭨﻮﭨﮯ ﭘﮭﻮﭨﮯ ﺍﺷﻌﺎﺭ
ﺍﻭﺭ ﮐﭽﮫ ﺑﮯ ﺗﺮﺗﯿﺐ ﻏﺰﻟﯿﮟ
ﺍﻭﺭ ﮐﺒﮭﯽ ﻧﮧ ﻣﮑﻤﻞ ﮨﻮﻧﮯ ﮨﻮﻧﮯ ﻭﺍﻟﮯ
ﺑﮩﺖ ﺳﮯ ﺍﻓﺴﺎﻧﮯ ﺷﺎﻣﻞ ﮨﯿﮟ
ﻣﯿﺮﮮ ﭼﺎﺭﻭﮞ ﻃﺮﻑ ﺍﻥ ﮔﻨﺖ ﻟﻤﺤﺎﺕ ﺑﮑﮭﺮﮮ ﮨﻮﺋﮯ ﮨﯿﮟ
ﻭﮦ ﻟﻤﺤﺎﺕ
ﺟﻦ ﮐﮯ ﺍﻧﺪﺭ ﻣﯿﮟ ﮐﺒﮭﯽ ﭘﺎﺋﯽ ﮔﺌﯽ ﺗﮭﯽ
ﻭﮦ ﻟﻤﺤﺎﺕ
ﺟﻦ ﮐﮯ ﺍﻧﺪﺭ ﻣﯿﮟ ﻧﮯ ﮐﺒﮭﯽ ﺳﺎﻧﺴﯿﮟ ﻟﯽ ﺗﮭﯿﮟ
ﻭﮦ ﻟﻤﺤﺎﺕ
ﺟﻮ ﻣﯿﺮﯼ ﺁﻧﮑﮭﻮﮞ ﻣﯿﮟ ﮐﺮﭼﯿﺎﮞ ﺑﻦ ﮐﺮ ﭨﻮﭨﮯ
ﻭﮦ ﻟﻤﺤﺎﺕ
ﺟﻨﮭﻮﮞ ﻧﮯ ﻣﺠﮭﮯ ﮐﺒﮭﯽ ﻣﺠﮫ ﺳﮯ ﻣﻼﯾﺎ
ﺍﻭﺭ ﺗﺎ ﺍﺑﺪ
ﺟﺪﺍ ﮐﺮ ﺩﯾﺎ
ﻣﯿﺮﮮ ﭼﺎﺭﻭﮞ ﻃﺮﻑ
ﺍﻥ ﮔﻨﺖ ﺳﻮﺍﻻﺕ ﺑﮑﮭﺮﮮ ﮨﻮﺋﮯ ﮨﯿﮟ
ﻭﮦ ﺳﻮﺍﻻﺕ ﺟﻮ ﻣﺒﮩﻢ ﺗﮭﮯ
ﮐﺒﮭﯽ ﻧﮧ ﺳﻤﺠﮫ ﻣﯿﮟ ﺁﻧﮯ ﻭﺍﻟﮯ
ﺑﮩﺖ ﺍﻟﺠﮭﮯ ﮨﻮﺋﮯ
ﺟﻦ ﮐﮯ ﺟﻮﺍﺑﺎﺕ ﺗﻼﺵ ﮐﺮﺗﮯ ﮐﺮﺗﮯ
ﻣﯿﮟ ﺧﻮﺩ
ﻣﺠﺴﻢ ﺳﻮﺍﻝ ﺑﻦ ﮔﺌﯽ
ﻣﯿﺮﮮ ﭼﺎﺭﻭﮞ ﻃﺮﻑ ﺍﻥ ﮔﻨﺖ
ﺳﻮﻣﻨﺎﺕ ﺑﮑﮭﺮﮮ ﮨﻮﺋﮯ ﮨﯿﮟ
ﺟﻦ ﻣﯿﮟ ﮨﺰﺍﺭﻭﮞ ﺑﺖ "ﺧﺪﺍ " ﺑﻨﮯ ﺑﯿﭩﮭﮯ ﮨﯿﮟ
ﻣﯿﮟ ﻧﮯ ﺍﻥ ﭘﺮ ﺳﺘﺮﮦ ﺣﻤﻠﮯ ﮐﯿﺌﮯ ﮨﯿﮟ
ﺍﻭﺭ ﮨﺮ ﺣﻤﻠﮯ ﮐﮯ ﺑﻌﺪ
ﻣﯿﮟ ﺧﻮﺩ ﮨﯽ ﻣﻔﺘﻮﺡ ﮨﻮﺗﯽ ﮔﺌﯽ
ﻣﯿﺮﮮ ﭼﺎﺭﻭﮞ ﻃﺮﻑ
ﺍﻥ ﮔﻨﺖ ﻋﺠﺎﺋﺒﺎﺕ ﺑﮑﮭﺮﮮ ﮨﻮﺋﮯ ﮨﯿﮟ
ﺟﻦ ﻣﯿﮟ ﺳﺮ ﻓﮩﺮﺳﺖ ﺍﯾﮏ ﺁﺋﯿﻨﮧ ﮨﮯ
ﺟﺴﮯ ﻣﯿﮟ ﺟﺐ ﺑﮭﯽ ﺩﯾﮑﮭﺘﯽ ﮨﻮﮞ
ﮨﻤﯿﺸﮧ ﺧﺎﻟﯽ ﻧﻈﺮ ﺁﺗﺎ ﮨﮯ
ﻣﯿﺮﮮ ﭼﺎﺭﻭﮞ ﻃﺮﻑ ﮨﺮ ﭼﯿﺰ ﺑﮑﮭﺮﯼ ﭘﮍﯼ ﮨﮯ
ﮨﺮ ﭼﯿﺰ " ﻣﻮﺟﻮﺩ " ﮨﮯ
ﺻﺮﻑ ﺍﯾﮏ ﻣﯿﮟ ﮨﻮﮞ
__ ﺟﻮ ﻧﺎ ﻣﻮﺟﻮﺩ ﮨﻮﮞ