Hijr Ki Pehli ShaaM Ke Saaye, Door Ufak Tak Chhaye Thay,
HuM Jab Uske Shaher Se Nikle Sab Raste Pathraye Thay,
Jane Wo Kya Soch Raha Tha Apne Dil Mein Saari Raat,
Pyar Ki Baatein Karte Karte Uske Nain Bhar Aaye Thay,
Kaise Jaati Mere Badan Se Beete LaMhon Ki Khushbu,
Khwabon Ki Us Basti Mein Kuch Phool Mere HuMsaye Thay,
Kaisa Pyara Manzar Tha Jab dekh k Apne Sathi Ko,
Pair Pe Baithi Ek Chidiya Ne Apne Par Phailaye Thay,
Rukhsat Ke Din Bhigi Aankhon se jab Uska Kehna Haaye "Qateel"
TuMko Laut Hi Jana Tha To Is Nagri Kyon Aaye Thay....!