Ab kisi se jo silsila rakhna

Ab kisi se jo silsila rakhna
Aap apne se bhi chupa rakhna

Humko aadat nahi hai dastak ki
Baab dil ka sadaa khula rakhna

Jab kabhi aa paray nayi mushkil
Apni nazroN maiN karba'la rakhna

Har koi gum hai apni hasti maiN
Mat kisi se bhi waasta rakhna

Koi aankhoN maiN jab utarne lage
DarmiyaN aik faasla rakhna

Aarzi dukh hoN, daayimi khushiyaN
Yeh muqaddar maiN mauja'za rakhna

Mehr chup ki lagaaye rakhna magar
Beech palkoN ke ik gilaa rakhna

~Faakhira Batool

Urdu Link:
http://www.urdupoint.com/poetry/poem...y-jo-1248.html