Akhri bar milo aise ke jaltay huay dil...
Rakh ho jayn koi aur taqaaza na karein...
Chaak-e-wada na silay...
Zakhm-e-tamanna na khulay...
Saans hamwaar rahay... shama ki lo0 tak na hilay...
Baatein bas itni ke lamhay unhein aa ker gin jaaen...
Aankh uthaaiy koi ummed to aankhain he chin jaaen...
Us mulaqaat ka ab koi weham nahin...
Jis'se aik aur mulaqaat ki soorat niklay...
Ab nahin jaanan junoon ka na hakaayat ka waqt...
Ab na tajdeed-e-wafa ka na shikaayat ka waqt...
Loat gaiy shehr-e-hawaadis mein mata-e-alfaaz...
Ab jo kehna hai to kaise koi noha kehiay...
Aaj tak tum se rag-e-jaan k kaiee rishtay thay...
Kal se jo ho ga usay kon sa rishta kehiay...
Phir na dekhain aarz-0-rukhsaar milo...
Maatami hai dam-e-rukhsat dar-0-dewaar milo...
Phir na hum hon...
Na iqraar na inkaar milo...
Aakhri baar...
Meri jaan...