~Qatal chuptay thay kabhi sang ki deewar k beech~

Qatal chuptay thay kabhi sang ki deewar k beech
Ab to khulnay lgay maktal bharay bazar k beech

Apni poshaak k chin janay pay afsos na kr
Sar salamat nhi rehtay yahan dastaar k beech

Surkhiyan aman ki talqeen mein masroof rahin
Huroof barood ugaltay rahay akhbar k beech

Kash is khawab ki tabeer ki mohlat na milay
Sholay ugtay nazar aaye mujhy gulzar k beech

Dhaltay suraj ki tamazat ne bikher kr dekha
sar kasheeda mila saya saf-e-ashjaar k beech

Rizq, malboos, makan, saans, marz, qarz, dawa
Munqasim ho gya insan inhi afkaar k beech

Dekhay jatay na thay meray ansoo jis se Mohsin
Aj hanstay huay dekha usay aghyaar k beech

Mohsin Naqvi