Choota jo tera hath to hum toot k roye...

Choota jo tera hath to hum toot k roye..
Tum jo na rahay sath to hum toot k roye..

Chahat ki tamanna thi or zakhm diye tum ne..
Paayi jo yeh soughaat to hum toot k roye..

Imkan na tha door talak tajdeed-e-talluq ka..
Dekhay jo yeh halaat to hum toot k roye..

Anjaan thay hum ab tak dard ki soorat se..
Hui jo mulaqat to hum toot k roye..

Jeeti thi sadaa hum ne hr baazi teray sath..
Tanha jo sahee maat to hum toot k roye..

Logon ne bht pucha sabab veerani-e-dil ka..
Jab na ho saki bat to hum toot k roye..

Thi dhoop bht taiz hr simt judai ki..
Barsi jo na barsaat to hum toot k roye..

Zad mein tha khizaon ki ab k dil-e-barbad..
Bichray jo shajar-paat to hum toot k roye..

Din bhar to rahay chup k duniya ki nazar thi..
Bheegi jo siyaah raat to hum toot k roye..

Samjha tha sadaa tujh ko apna he koi hissa..
Tukron mein batti zaat to hum toot k roye..

Hum krtay rahay aj talak 'Us Chaand' ki khwahish..
Yad aayi jo auqaat to hum toot k roye..