Dekha Hai Kayi Baar...!!!

Ujry Hoye Logo'N Sy Gureza'N Na Hua Kar,
Halaat Ki Qabro'N K Qutby Bhi PaRha Kar,

Jany Kiyo'N Taiz Hawa Soch Mei'N Gum Hai,
Khawabeeda Parindo'N Ko Darakhto'N Sy Ura Kar,

Us Shakhs K Tum Sy Bhi Murasim To Hoon Gy,
Wo Jhoot Na Boly Ga Mery Samny Aa Kar,

Har Waqt Ka Hansana Tujhy Barbaad Na Kar Dy,
Tanhayi K Lamho'N Mei'N Kabhi Ro Bhi Liya Kar,

Wo Aaj Sadiyo'N Ki Musaafat Par Khara Hai,
Dhoondhata Tha Jisy Waqt Ki Deewar Gira Kar,

Aye Dil Tujhy Dushman Ki Pehchan Kaha'N Hai,
Tu Halka-E-Yaraa'N Mei'N Bhi Muhtaat Raha Kar,

Is Shab K Muqadar Mei'N Seher Hi Nahi Hai,
Dekha Hai Kayi Baar Chirago'N Ko Bhuja Kar...!!!