aaye kuchh abr kuchh sharaab aaye
us ke baad aaye jo azaab aaye
baam-e-miinaa se maahataab utare
dast-e-saaqii mein aaftaab aaye
har rag-e-Khuun mein phir charaagaan ho
saamane phir wo benaqaab aaye
umr ke har waraq pe dil ko nazar
terii meher-o-wafaa ke baab aaye
kar rahaa thaa Gam-e-jahaan kaa hisaab
aaj tum yaad behisaab aaye
na gaii tere Gam kii saradaarii
dil mein yuun roz inqalaab aaye
jal uthe bazm-e-Gair ke dar-o-baam
jab bhii ham Khaanamaan_kharaab aaye
is tarah apanii Khamashii guunjii
goyaa har simt se jawaab aaye
'Faiz' thii raah sar basar ma.nzil
ham jahaan pahunche kaamayaab aaye
us ke baad aaye jo azaab aaye
baam-e-miinaa se maahataab utare
dast-e-saaqii mein aaftaab aaye
har rag-e-Khuun mein phir charaagaan ho
saamane phir wo benaqaab aaye
umr ke har waraq pe dil ko nazar
terii meher-o-wafaa ke baab aaye
kar rahaa thaa Gam-e-jahaan kaa hisaab
aaj tum yaad behisaab aaye
na gaii tere Gam kii saradaarii
dil mein yuun roz inqalaab aaye
jal uthe bazm-e-Gair ke dar-o-baam
jab bhii ham Khaanamaan_kharaab aaye
is tarah apanii Khamashii guunjii
goyaa har simt se jawaab aaye
'Faiz' thii raah sar basar ma.nzil
ham jahaan pahunche kaamayaab aaye