Aawargi main humny iss ko bhi hunar jana.
Iqraar-e-wafa karna phir us'sy mukar jana.
jab khuwab nahi koi kiya zindagi ka karna,
har subah ko jee uthna har raat ko mar jana.
aisa na ho dariya main tum baar-e-giraN thehro,
jub log ziyada hon kashti sy utar jana.
Suqraat k peeny sy kiya mujh py ayaN hota?,
khud zehar piya meny phir us ka sar jana.
jub bhi nazar aao gy hum tum ko pukareN gy,
chaho to thehar jana chaho to guzar jana